Ruslan Abışov: Qarabağa azarkeşlik edəcəyik
"Qəbələ"nin kapitanı Ruslan Abışov bəyan edib ki, o, Azərbaycan Kubokunun yarımfinalında bu gün cavab qarşılaşmasına çıxacaq "Simurq" və "Qarabağ"ın duelində Ağdam klubuna azarkeşlik edəcək. Azerisport.az saytına açıqlamasında o, bunları söyləyib:
"Əgər "Simurq" bu gün kubokda mübarizəni dayandırsa, o zaman Topaz Premyer Liqasında 4-cü yeri tutan Azərbaycanı Avropa Liqasında təmsil etmək hüququ qazanacaq. Məhz bu üzdən bu gün biz "Qarabağ"a azarkeşlik edəcəyik. Ümumiyyətlə, mən kubokun finalında "Neftçi" - "Qarabağ" duelini izləmək istərdim. Amma "Simurq" hətta bu gün mübarizəni dayandırsa da belə, bizə dördüncü yer uğrunda mübarizəni sonadək davam etdirmək lazımdır. Çünki Zaqatala klubu dördüncü olmaq şansını hələ itirməyib. Öz növbəmizdə biz "Neftçi" ilə üçüncü yer uğrunda da mübarizə aparmağa çalışacağıq. Fikrimcə, əsl mübarizə hələ qarşıdadır".