Ruslan Qurbanov debüt etdi, Hayduk darmadağına sevindi
4 mart 2015 22:00
Xorvatiya Kubokunda 1/4 final mərhələsinin cavab oyunları keçirilib. Azerisport.az xəbər verir ki, azərbaycanlı futbolçu Ruslan Qurbanovun komandası - "Hayduk" da növbəti matçına çıxıb.
Futbolçumuzun klubu doğma meydanda "Vinoqradar"la qarşılaşıb. Matç Split klubunun 3:0 hesablı qələbəsi ilə başa çatıb. Bu oyunda debüt edən Ruslan 46-cı dəqiqədən etibarən meydanda olub.
Qeyd edək ki, "Hayduk" bu rəqibinə səfərdə də 3:0 hesabıyla qalib gəlmişdi. Nəticədə, Split təmsilçisi Xorvatiya Kubokunun yarımfinalına vəsiqə əldə edib.