Vaqif Cavadov Bolusporda sabiq klubuna qarşı oyunla debüt etdi
1 fevral 2015 19:30
Türkiyə PTT 1-ci Liqasında 18-ci turun oyunları keçirilib. Azerisport.az xəbər verir ki, azərbaycanlı futbolçu Vaqif Cavadovun komandası - "Boluspor" da növbəti matçına çıxıb.
Sözügedən komanda öz meydanında Vaqifin sabiq klubu - "Qaziantep BB"-ni qəbul edib. Hansı ki, bu komandada yığmamızın digər üzvü Ufuk Budak çıxış edir. Qarşılaşma Bolu təmsilçisinin 3:1 hesablı qələbəsi ilə başa çatıb. Budak 90 dəqiqə meydanda olub. Cavadov isə matçın 87-ci dəqiqəsində meydana çıxıb.
Qeyd edək ki, "Boluspor" hazırda 23 xalla 10-cu, "Qaziantep BB" isə 20 xalla 12-cidir.