Neftçinin Ukrayna klubu ilə oyununda 7 qol
Türkiyədə təlim-məşq toplanışında olan “Neftçi” bu gün Antalyadakı hazırlıq prosesi çərçivəsində növbəti yoxlama oyununu keçirib. Azerisport.az xəbər verir ki, Arif Əsədovun komandası Ukraynanın “Volın” klubu ilə qarşılaşıb.
7 qolun vurulduğu oyun "ağ-qaralar"ın qələbəsiylə başa çatıb.
Qeyd edək ki, “Neftçi” Antalyada üç yoxlama oyunu keçirib. "Ağ-qaralar" Səudiyyə Ərəbistanının “Hajer” (3:1), Türkiyənin “Kayseri Ərciyəsspor” (0:0) və “Elazığspor” (0:1) klubları ilə üz-üzə gəlib.
Yoxlama oyunu
21 yanvar
"Neftçi" - "Volın" - 4:3 (2:2)
Qollar: Denis Silva (1:0). Karlos Kardozo (2:0), Ruslan Qurbanov (3:2), Ernest Nfor (4:3)
"Neftçi"nin start heyəti: Aqil Məmmədov, Karlos Kardozo, Elvin Yunuszadə, Məqsəd İsayev, Denis Silva, Erik Ramos, Mirhüseyn Seyidov, Flavinyo, Araz Abdullayev, Rauf Əliyev, Nikolas Kanales.