Qurban Qurbanov: Biz Aleksandr Əliyevlə maraqlanmırıq
"Qarabağ"ın baş məşqçisi Qurban Qurbanov Ukrayna yığmasının sabiq yarımmüdafiəçisi Aleksandr Əliyevlə maraqlanmaları barədə xəbərlərə münasibət bildirib. Azerisport.az saytına açıqlamasında o, bunları söyləyib:
"Ukrayna mətbuatının nə yazdığı ilə maraqlanmıram. Amma biz bu futbolçu ilə maraqlanmırıq. Bu barədə deyilənlər də həqiqəti əks etdirmirlər".
Ağdam klubunu qarşıda İsveçrə "Sürix"i ilə yoxlama oyunu gözləyir. Qurbanov həmin görüş öncəsi də fikirlərini açıqlayıb: "Bizi ciddi rəqiblə matç gözləyir. İsveçrəlilərin çox güclü komandası var. Müəyyən qədər bu komanda ilə maraqlanmışam, qarşıdakı günlərdə yenə də "Sürix"in futbolçuları barədə məlumat toplamağa çalışacağam. Həmin oyuna Xorvatiya "Split"i ilə qarşılaşmayla müqayisədə daha yaxşı hazırlaşmalıyıq. Amma hələ 90 dəqiqə oynamağa hazır deyilik. Böyük ehtimalla, heyət üzvlərini 45 dəqiqə olmaqla oynadacağıq. Bu oyun şəxsən mənim və komandam üçün maraqlı olacaq".
Reynaldonun durumuna toxunan mütəxəssis bu sözləri söyləyib: "Reynaldo formasını bərpa etməyə çalışır. Biz onu digərləri qədər yükləmirik. Bəzən məşq başa çatmadan onun hazırlığını bitirməsinə icazə veririk. Bir sözlə, çox yükləmək istəmirik".
Qurbanov Riçard Almeydadan da danışıb: "O, bizim bütün tapşırıqlarımızı yerinə yetirir. Amma Reynaldo kimi, onun də məşq tapşırıqları komandanınkından fərqlənir. Çünki Almeyda da komandaya gec qoşulub".
