Ufuk oynadı, Vaqif izlədi, Qaziantep BB 4 qolla qalib gəldi
29 noyabr 2014 00:15
Futbol üzrə Türkiyə PTT 1-ci Liqasında 11-ci turun oyunları keçirilib. Azerisport.az xəbər verir ki, Azərbaycan yığmasının üzvləri - Ufuk Budak, Rəhman Hacıyev və Vaqif Cavadovun çıxış etdiyi "Qaziantep BB" də növbəti matçına çıxıb.
Sözügedən komanda səfərdə "Samsunspor"la qarşılaşıb. Oyun həmyerlilərimizin komandasının qələbəsiylə başa çatıb - 4:1.
Rəhman bu oyunun iştirak ərizəsində yer almayıb. Vaqif bütün oyunu ehtiyatda izləyib. Start heyətdə meydana çıxan Ufuk isə 89-cu dəqiqədə əvəzlənib.
Qeyd edək ki, "Qaziantep BB" hazırda 11 xalla 12-ci yerdə gedir.