Robert Prosineçki: AFFA rəsmiləri mənə yığmanın baş məşqçi postunu təklif etdi
Futbol üzrə Xorvatiya yığmasının sabiq məşqçisi Robert Prosineçki Azərbaycan milli komandasının sükanı arxasına keçəcəyinə dair məlumatları azerisport.az saytının müxbiri ilə söhbətində müzakirə edib. Həmin müsahibəni təqdim edirik:
- Sizin Parisdə AFFA rəsmiləri ilə görüşdüyünüzə dair xəbərlər var. Bu, doğrudu?
- Bəli. Biz bu həftə Fransada görüşmüşük.
- Sizə Azərbaycan yığmasının baş məşqçisi olmaq təklif olundu?
- Dedilər ki, məni bu postda görməkdə maraqlıdılar.
- Siz nə cavab verdiz?
- Mənə konkret təklif edilmədi. Sadəcə, namizədlərdən biri olduğum diqqətə çatdırıldı.
- Buna münasibətiniz necədi?
- Düzünü deyim ki, bu təklif məndə də maraq doğurdu. Amma dediyim kimi, hələ konkret bir şey yoxdu.
- Parisdə AFFA rəsmilərindən kimlərlə görüşmüsüz?
- İcazənizlə bu sualınızı cavabsız qoyum (gülür).
- Noyabrın 4-də AFFA ilə müqavilə bağlayacağınıza dair xəbərlər doğru deyil?
- Hələ mənim planlarımda Bakıya gəlmək yer almır. Biz, sadəcə, görüş keçirmişik.