Qurbanov: Qarabağın hansı heyətlə oynamasının bizim üçün fərqi yoxdu
"Neftçi"nin hücumçusu Ruslan Qurbanovun azerisport.az saytına müsahibəsi
- "Qarabağ"la oyundan nə gözləyirsiz?
- Bu oyuna ciddi hazırlaşmışıq. Kifayət qədər motivasiya var. Rəqib də güclüdü. Fikrimcə, bizi maraqlı və çətin oyun gözləyir.
- "Qarabağ"ın qarşıda Avropa Liqası çərçivəsində İtaliya "İnter"i ilə oyunu var. Bu, sizə əlavə üstünlük qazandıra biləcək?
- Bizim üçün rəqibin hansı heyətlə oynamasının fərqi yoxdu. Bu, onların öz işidi. Biz istənilən halda üç xal üçün oynayacağıq. Kimin daha güclü olduğunu isə oyun göstərəcək.
- Sizcə, "Neftçi" bu mövsüm daha güclüdü?
- Bəli, mənə elə gəlir ki, bu mövsüm biz daha da güclənmişik. Amma bu, hələ heç nə demək deyil. Biz hər bir oyuna sonuncu kimi baxmalıyıq.
- Komandanız çempion ola biləcək?
- Allah eləsin. Biz də bunun üçün mübarizə aparırıq. Amma çox ciddi rəqabət yaratmaq lazımdı.
- Sizi niyə meydanda görmürük?
- Bu sualı baş məşqçiyə vermək lazımdı. Mən məşqlərdə tam gücümlə çalışıram.
- Başqa kluba icarəyə getmək haqda düşünmürsüz?
- Əlbəttə, az oynadığımı görsəm, bu barədə düşünə bilərəm. Rəhbərlikdən xahiş edərəm ki, məni başqa kluba icarəyə versinlər. Amma öz üzərimdə daha çox çalışmağım lazımdı.
- Bu barədə Arif Əsədovla söhbətiniz olub?
- Onunla münasibətlərimiz normaldı. Fikrimcə, hər şey yaxşı olacaq. Ona da vaxt lazımdı. Bundan sonra o, komandanı çempion edə biləcək.