Mevlut Erdinç: Bakıdan 3 xalla qayıdacağımızı düşünürdüm
Fransanın "Sent-Etyen" klubunun türkiyəli hücumçusu Mevlut Erdinçin azerisport.az saytına müsahibəsi
- "Qarabağ"la oyunda Tofiq Bəhramov adına Respublika stadionundakı atmosferdən razı qaldız?
- Azarkeşlər möhtəşəm idilər. Bu, şübhəsiz ki, oyunda əsas yaddaqalan məqamlardan biri idi. Sonadək komandalarını dəstəklədilər.
- Bəs oyun?
- "Qarabağ" yaxşı oynadı. Xüsusilə də yaxşı hücumçuları var. Biz bu heç-heçəyə görə şadıq. Nəticə bizi qane etdi.
- "Qarabağ"dan belə oyun gözləyirdiz?
- Onların oyunlarına baxmışdıq və bilirdik ki, nəyə qadirdilər. Amma biz kifayət qədər inamla müdafiə olunduq. Çox səhvə yol vermədik.
- Oyundan öncə "Qarabağ" haqda nə bilirdiz?
- Etiraf edim ki, belə bir komandanı tanımırdım. Bakıdan 3 xalla qayıdacağımızı düşünürdüm. Amma bu, onların Hollandiya "Tvente"si ilə oyunlarını izləyənə qədər idi.
- Bakıda özünüzü necə hiss etdiz?
- Hər bir türk kimi, öz evimdə olduğumu düşünürdüm. Şəhər çox gözəldi.