"Neftçi kimi komandaya 0:2 uduzuruqsa, azarkeşlərdən nə gözləməliyik ki?"
Serbiyanın "Partizan" klubunun prezidenti Draqan Dyuriç Avropa Liqasının pley-off mərhələsi çərçivəsində qarşılaşdıqları "Neftçi" ilə ilk oyundan (3:2) sonra fikirlərini açıqlayıb. Azerisport.az xəbər verir ki, o, öncə bunları söyləyib:
"Rəqib iki ardıcıl qol vuranda həyəcanlanmışdım. Amma fikrimcə, biz həmin qollardan sonra pis oynamadıq. Lakin etiraf edim ki, bir müddət öncə Bolqarıstan "Ludoqorets"indən, indi isə "Neftçi"dən iki asan qol buraxmağımız narahatlıq yaradır. Fikrimcə, məşqçilər korpusu bu məsələ ilə ciddi məşğul olmalıdı".
Lakin klub prezidenti buna görə baş məşqçini tənqid etmək istəməyib: "Marko Nikoliçi heç kim tənqid etmir. "Partizan" heç vaxt öz baş məşqçisini mətbuat vasitəsilə tənqid etməyib. Biz baş məşqçimizi, futbolçularımızı çempionat oyunlarında, eləcə də "Neftçi" ilə cavab oyununda ən yüksək səviyyədə dəstəkləməliyik".
Dyuriç bəyan edib ki, klubun üzləşdiyi maliyyə probleminin komanda üzvlərinə təsir göstərməyib: "Maaşlardakı gecikmənin futbolçulara təsir göstərdiyini düşünmürəm. Hesab edirəm ki, onlar meydana ancaq futbolu düşünərək çıxırlar. Həm də həmin günlərdə Belqradda olsaydım, heç bir maaş gecikməsindən söhbət gedə bilməzdi. Bildiyim qədərilə, futbolçular görüşüblər, mövcud problemləri müzakirə ediblər. Plan üzrə müzakirələr 10 dəqiqə sürməliymiş, amma 45 dəqiqə sürüb. Ondan sonra da oyunçular məşqə çıxmamaq qərarına gəliblər. Gecikmə sadəcə, yeddi gün çəkib. Hazırda isə bütün məsələlər öz həllini tapıb".
"Bu məsələdə mətbuatın da rolu var. Azarkeşlər "Partizan"ı başqa dünyada görmək istəyirlər. Bu, düz deyil. Maaşların gecikməsi son yeddi ildə ilk dəfədi baş verir. Amma onları da başa düşmək olar. Komandaları "Neftçi" kimi komandaya 0:2 hesabıyla uduzanda azarkeşdən nə gözləmək olar ki? Qoy onlar məşqçi və futbolçu heyətini yox, rəhbərliyi ittiham etsinlər. Fikrimcə, onlar bu narazılıqlarında haqlıdılar. İstədiklərini oxuya, deyə bilərlər".
Dyuriç istefa verəcəyinə dair xəbərləri də təkzib edib: "Klubdan vaxtından öncə gecədəmmi? Bütün bunlar uydurmadı. Belə xəbərlərin haradan qaynaqlandığını yaxşı bilirik. Belələrinə fikir verməyə dəyməz".