Berti Foqts yığmamızdakı xələfinin adını açıqladı
1 avqust 2014 13:40
Futbol üzrə Azərbaycan yığmasının baş məşqçisi Berti Foqts özündən sonra millimizi çalışdırmasını istədiyi xələfinin adını açıqlayıb. Azerisport.az saytına müsahibəsində o, bunları söyləyib:
"Bu məşqçi artıq sabah Azərbaycan yığmasının baş məşqçi postunu qəbul edə bilər. O, taktiki cəhətdən komandasını çox gözəl hazırlayır. Oyunu oxumaq baxımından da çox yaxşıdı. Bu, Qurban Qurbanovdu. Onun Avstriya "Zalsburq"u ilə oyundakı əvəzləmələri də göstərdi ki, öz işini çox yaxşı bilir. Böyük ehtimalla mən getdikdən sonra yığma komandanı o çalışdıracaq. O, mənim xələfimdi (gülür). Amma Qurban Qurbanov yığmanın baş məşqçisi olsa, 11 azərbaycanlı futbolçu ilə oynamalı olacaq".