Anders Svensson: Hakim İnterə qarşı çox sərt davrandı
İsveçin "Elfsborq" klubunun yarımmüdafiəçisi Anders Svenssonun azerisport.az saytına müsahibəsi
- "İnter"lə cavab matçı barədə nə düşünürsüz?
- Oyunun ilk dəqiqələrindən rəqib azlıqda qaldı. Amma üstünlüyümüzdən yararlana bilmədik. Daha çox qol vurmaq, oyunu penaltilərə qədər daşımaq lazım deyildi. Rəqib güclü idi, sona qədər mübarizə apardılar, hətta qol vəziyyətləri də oldu.
- Hakim Laşa Salukvadzeni qovmaqda haqlı idi?
- Orada penalti var idi.
- Bəs qırmızı vərəqə?
- Bilmirəm. Mənə elə gəlir ki, hakim "İnter"ə qarşı çox sərt davrandı. Düzdü, penalti təyin etməkdə haqlı idi, amma qırmızı vərəqəni verməyə də bilərdi. Bu, təbii ki, bizim qalib gəlmək şanslarımızı çox artırdı.
- Matçın belə başa çatacağını gözləyirdiz?
- Bakıya qələbə üçün gəlmişdik. "İnter" İsveçdəki oyunda özünü yaxşı tərəfdən göstərməyi bacardı. Bilirdik ki, burada da işimiz çətin olacaq. Azarkeş amili də öz rolunu oynadı. İsveç çempionatının hər oyununda belə atmosfer görmək olmur.
- Üçüncü təsnifat mərhələsindən nə gözləyirsiz?
- "İnter" "Hafnarfyordur"dan güclüdü. Onlar daha keyfiyyətli futbol oynayırlar, nəinki islandlar. Mənə elə gəlir ki, komandanız hətta pley-off səddini də keçərdi.
- Bəs özünüzün qrup mərhələsinə düşmək şansınızı necə qiymətləndirirsiz?
- Əgər biz "İnter" kimi rəqibi keçə bildiksə, deməli, qrupa düşmək şansımız çox yaxşıdı.
