Teli: Zalsburqla oyunlarda sürprizə ümid edirəm
"Qarabağ"ın müdafiəçisi Admir Telinin azerisport.az saytına müsahibəsi
- "Qarabağ" Malta "Valletta"sı ilə ev oyununda böyük hesablı qələbəyə sevindi. Oyunla bağlı fikirləriniz maraqlıdı...
- Yaxşı oynadıq. Amma şəxsən mənim üçün böyük ya da minimal hesabla qalib gəlməyin önəmi yox idi. Əsas o idi ki, mərhələ adlayaq.
- "Valletta"nın oyunçuları ilk qırmızı vərəqə zamanı çox etiraz edirdilər. Siz həmin epizodu necə dəyərləndirə bilərsiz?
- Həmin epizodu hakim necə lazım idisə, elə də qiymətləndirdi. Mənim buna qiymət verməyim düzgün olmazdı.
- Rəşad Sadıqovun yoxluğu hiss olunmur?
- Rəşadın komanda üçün necə önəmli futbolçu olduğunu hamı gözəl başa düşür. Amma mən həmişə demişəm ki, "Qarabağ" bir futbolçudan asılı deyil.
- Növbəti mərhələdə qarşılaşacağınız "Zalsburq"la oyunlarda uğur qazanmağınız nə dərəcədə realdı?
- Avstriyaya sərfəli nəticə ilə yollanmalıyıq. Bunun üçün də ilk oyunda qələbə qazanmaq vacibdi. Bakıdakı qarşılaşmanın önəmi böyük olacaq.
- Rəqib barədə nə bilirsiz?
- "Zalsburq" güclü komandadı. Avrokuboklarda böyük təcrübəyə malikdilər. Fiziki cəhətdən güclü futbolçulara malikdi. Eyni zamanda texnikalıdılar. Əminəm ki, baxımlı oyun olacaq.
- "Qarabağ"ın ÇL-in qrup mərhələsinə düşmək şansı nə dərəcədə realdı?
- Mənə elə gəlir ki, artıq qarşımıza belə yüksək hədəflər qoymağın vaxtıdı. Çempionlar Liqasına iki mərhələ qalıb. Avropa Liqasına isə bi. Ümid edirəm ki, "Zalsburq"la oyunlarda sürpriz edə biləcəyik.
