Gilbert Acius: Hakimlərin qərarları Qarabağa kömək etdi
Ölkəmizi UEFA Çempionlar Liqasında təmsil edən "Qarabağ" ikinci təsnifat mərhələsinin cavab qarşılaşmasında Malta "Valletta"sını darmadağın etdi. Azerisport.az xəbər verir ki, Ağdam klubu səfərdə 1:0 hesabı ilə qalib gəldiyi komandaya, doğma divarlar arasında divan tutdu - 4:0.
Oyundan sonra təşkil olunmuş mətbuat konfransında "Valletta"nın baş məşqçisi Gilbert Acius komandasının məğlubiyyətini belə şərh edib:
"Qarabağ"ı təbrik edirəm. Bu gün daha yaxşı idilər və layiqli qələbə qazandılar. Hakimlərin qərarları ilə bağlı danışmaq çox çətindi. Mənim şəxsi düşüncələrim olsa da, bu, nəticəni dəyişmir. Baş verənləri mənim kimi, siz də gördüz. Olan artıq olub. Futbolda müəyyən epizodlarla oyunun teleyini həll edir. Uzun müddət azlıqda qaldıq. Daha sonra ikinci qırmızı vərəqəni aldıq. Ehtiyat oyunçular skamyasında futbolçu qıtlığı da öz sözünü dedi. Hakim qərarları "Qarabağ"ın qələbəsinə kömək eti. Amma bu, onların layiqli qələbə qazanmalarına kölgə sala bilməz.
Azərbaycan yığmasına vurduğum qolları yaxşı xatırlayıram. Amma öz oyunçu karyeram barəsində danışmaq istəməzdim. Azərbaycan futbolunda çox şey dəyişib. Bu da əcnəbilərin sayəsində baş verib.
"Qarabağ"ın heyətində kimlər daha çox yadımda qaldı? Çətin sualdı. İlk növbədə ona görə ki, rəqib komanda futbolu sərgiləyir və fərdlər o qədər də diqqət çəkmir. Amma cinah oyunçularını - Leroy Corcla Danilo Diası xüsusi qeyd edərdim. Onlar çox sürətlidilər. Çumbinyo ilə Almeyda yerlərini yaxşı dəyişirdilər".