İsmayılov: Avrokuboklar üçün çox darıxmışam
16 aprel 2014 16:44
“Bakı”nın futbolçusu Əfran İsmayılov azerisport.az saytına müsahibəsində “Xəzər Lənkəran”la oyundan, vurduğu penaltilərdən və komandasının avrokuboklara düşmək şansından danışıb:
- “Xəzər Lənkəran”la görüşdə iki fərqli hissə izlədik...
- Sözün düzü, fasiləyə qədər nə baş verirdi bizə də aydın olmadı. Futbolçularımız sanki oynamırdı. Özümüz rəqibə fərqlənmək şəraiti yaratdıq. iki qol vurdular. Amma biz yenə də normal oyun göstərmədik. İlk hissə bizim üçün arzuolunmaz yuxu oldu. Fasiləyə gedəndə düşünürdüm ki, yəni biz o qədər zəif idik?
- Fasilədə nə oldu ki, "Bakı" oyandı?
- Futbolçularımız başa düşdü ki, “Xəzər Lənkəran”dan zəif deyilik. Əgər onlar 45 dəqiqəyə iki qol vura bilirsə, niyə biz bunu etməyək? Komanda oyunu oynadıq və rəqibə tutarlı cavab verdik. İkinci hissədə meydanda yalnız "Bakı" var idi. Əlbəttə, rəqibin gücünü də etiraf edirik. Cənublular "Bakı"ya qarşı hər zaman yaxşı oyun sərgiləyiblər. Biz də sübut etdik ki, matçda dönüş edə bilərdik.
- Son dəqiqələrdə qələbə topunu da vura bilərdiniz...
- Matç 3:2 və ya 4:2 bizim xeyrimizə başa çata bilərdi. Qol vurmaq üçün çoxlu şanslarımız oldu. Sadəcə, istifadə etmədik. Heç-heçə pis nəticə deyil. Ən azı xalsız qalmadıq. Bir xal əldə edərək, mövqeyimizi qoruduq. Mükafat uğrunda mübarizəni davam etdiririk.
- İlk üçlükdən komandanı 5 xal ayırır...
- 5 xal fərqini aradan qaldırmaq olar. Qarşıda bizim “İnter”lə oyunumuz var. Baş məşqçi hər oyuna qələbə üçün çıxmağı tələb edir. Biz 3 xalı qazansaq, avrokubok istəyimizə nail olacağıq. Mövsümə pis başlasaq da, toparlana bildik. “Bakı” mütləq ilk üçlüyə düşməlidir. Biz buna layiq komandayıq.
- Növbəti turda rəqib, “Neftçi”yə qalib gəlmiş “İnter” olacaq...
- Düzü, oyuna baxmamışam. Yəqin, təhlil edəcəyik. “İnter” son zamanlar çox yaxşı oynayır. Heyətdə usta futbolçuları çoxdur. Onlar çox vaxt taktika ilə rəqibə zərbə vurur. Paytaxt derbisində onlara qalib gəlməyə borcluyuq. Çünki, medal qazanmağımız bu oyundan asılıdır.
- Hər iki penaltini niyə məhz sən vurdun?
- Məşqlərdə də Pantiç standart vəziyyətləri mənə etibar edir. Təkcə penalti deyil. Çox vaxt cərimə zərbəsi, künc zərbəsini mən vururam. Pantiç bu dəfə də penaltini mənim vurmağımı istədi. Ona görə topa özüm yaxınlaşdım. Sevinirəm ki, hər iki zərbəm qol oldu.
- “Bakı” avrokuboklardan kənarda qalsa, günahkar kim olacaq?
- Bu barədə düşünmək istəmirik. Avrokuboklar üçün çox darıxmışam. Çox istəyirəm, yayda bizim komandam da püşkü gözləsin. Heç kimə sirr deyil ki, Azərbaycan azarkeşi avrokuboklara xüsusi önəm verir. Ona görə Avropa Liqasına düşmək üçün çalışmalıyıq. Əsas odur ki, taleyimiz öz əlimizdədir.
- “Xəzər Lənkəran”la görüşdə iki fərqli hissə izlədik...
- Sözün düzü, fasiləyə qədər nə baş verirdi bizə də aydın olmadı. Futbolçularımız sanki oynamırdı. Özümüz rəqibə fərqlənmək şəraiti yaratdıq. iki qol vurdular. Amma biz yenə də normal oyun göstərmədik. İlk hissə bizim üçün arzuolunmaz yuxu oldu. Fasiləyə gedəndə düşünürdüm ki, yəni biz o qədər zəif idik?
- Fasilədə nə oldu ki, "Bakı" oyandı?
- Futbolçularımız başa düşdü ki, “Xəzər Lənkəran”dan zəif deyilik. Əgər onlar 45 dəqiqəyə iki qol vura bilirsə, niyə biz bunu etməyək? Komanda oyunu oynadıq və rəqibə tutarlı cavab verdik. İkinci hissədə meydanda yalnız "Bakı" var idi. Əlbəttə, rəqibin gücünü də etiraf edirik. Cənublular "Bakı"ya qarşı hər zaman yaxşı oyun sərgiləyiblər. Biz də sübut etdik ki, matçda dönüş edə bilərdik.
- Son dəqiqələrdə qələbə topunu da vura bilərdiniz...
- Matç 3:2 və ya 4:2 bizim xeyrimizə başa çata bilərdi. Qol vurmaq üçün çoxlu şanslarımız oldu. Sadəcə, istifadə etmədik. Heç-heçə pis nəticə deyil. Ən azı xalsız qalmadıq. Bir xal əldə edərək, mövqeyimizi qoruduq. Mükafat uğrunda mübarizəni davam etdiririk.
- İlk üçlükdən komandanı 5 xal ayırır...
- 5 xal fərqini aradan qaldırmaq olar. Qarşıda bizim “İnter”lə oyunumuz var. Baş məşqçi hər oyuna qələbə üçün çıxmağı tələb edir. Biz 3 xalı qazansaq, avrokubok istəyimizə nail olacağıq. Mövsümə pis başlasaq da, toparlana bildik. “Bakı” mütləq ilk üçlüyə düşməlidir. Biz buna layiq komandayıq.
- Növbəti turda rəqib, “Neftçi”yə qalib gəlmiş “İnter” olacaq...
- Düzü, oyuna baxmamışam. Yəqin, təhlil edəcəyik. “İnter” son zamanlar çox yaxşı oynayır. Heyətdə usta futbolçuları çoxdur. Onlar çox vaxt taktika ilə rəqibə zərbə vurur. Paytaxt derbisində onlara qalib gəlməyə borcluyuq. Çünki, medal qazanmağımız bu oyundan asılıdır.
- Hər iki penaltini niyə məhz sən vurdun?
- Məşqlərdə də Pantiç standart vəziyyətləri mənə etibar edir. Təkcə penalti deyil. Çox vaxt cərimə zərbəsi, künc zərbəsini mən vururam. Pantiç bu dəfə də penaltini mənim vurmağımı istədi. Ona görə topa özüm yaxınlaşdım. Sevinirəm ki, hər iki zərbəm qol oldu.
- “Bakı” avrokuboklardan kənarda qalsa, günahkar kim olacaq?
- Bu barədə düşünmək istəmirik. Avrokuboklar üçün çox darıxmışam. Çox istəyirəm, yayda bizim komandam da püşkü gözləsin. Heç kimə sirr deyil ki, Azərbaycan azarkeşi avrokuboklara xüsusi önəm verir. Ona görə Avropa Liqasına düşmək üçün çalışmalıyıq. Əsas odur ki, taleyimiz öz əlimizdədir.
