24 may 2013 16:03
Syomin Qəbələyə gətirmək istədiyi oyunçuların siyahısını hazırlayıb
“Qəbələ”nin baş məşqçisi təyin olunması gözlənilən Yuri Syomin komandaya bir sıra yeni futbolçular dəvət etməyə hazırlaşır. Azerisport.az xəbər verir ki, bu barədə Rusiya mətbuatı məlumat yayıb.
Məlumatda bildirilir ki, Syomin mayın 25-də keçiriləcək Çempionlar Liqasının final oyunundan sonra Qəbələyə gələcək. O, klub rəhbərliyi ilə görüşüb, rəsmi müqaviləyə imza atacaq və ictimaiyyətə təqdim olunacaq.
Bu görüş zamanı təcrübəli mütəxəssis komandasında görmək istədiyi oyunçuların da siyahısını rəhbərliyə təqdim edəcək. Onların arasında vaxtilə Rusiyada oynamış bir sıra futbolçular var. Amma adları açıqlanmır.
