21 may 2013 13:47
Əfran İsmayılov: Mən Qarabağda da az qazanmırdım
“Qarabağ”la yollarını ayıran futbol üzrə Azərbaycan yığmasının yarımmüdafiəçisi Əfran İsmayılov tezliklə “Bakı”nın futbolçusu olacaq. Bunu azerisport.az saytına müsahibəsində futbolçunun özü bəyan edib:
“Artıq bu həftə “Bakı”nın futbolçusu olacaq. Dünən “Qarabağ”dan mənə bildirdilər ki, artıq azad agentəm. Mənim başqa variantlarım da var idi. Amma mən məhz “Bakı”ya üstünlük verdim. Bütün məsələləri razılaşdırmışıq. Yalnız müqavilə bağlamaq qalır. İki illik müqavilə bağlamaqla bağlı razılıq əldə etmişik”.
“Artıq bu həftə “Bakı”nın futbolçusu olacaq. Dünən “Qarabağ”dan mənə bildirdilər ki, artıq azad agentəm. Mənim başqa variantlarım da var idi. Amma mən məhz “Bakı”ya üstünlük verdim. Bütün məsələləri razılaşdırmışıq. Yalnız müqavilə bağlamaq qalır. İki illik müqavilə bağlamaqla bağlı razılıq əldə etmişik”.
İsmayılov son həftələrdə müəyyən şəxsi problemlərlə üzləşsə də, artıq hər şeyin geridə qaldığını deyir: “Artıq bu problemləri yoluna qoymuşam. İndi bir qədər sakitəm”.
Əfran müqavilənin maliyyə şərtlərini açıqlamaq istəməyib: “Mən “Qarabağ”da da az qazanmırdım. Amma təbii ki, “Bakı”nın şərtləri daha yaxşıdı. Baxmayaraq ki, karyeramı bu klubda davam etdirmək istəyimin əsasını heç də pul təşkil etmir. Sadəcə, hiss edirəm ki, yeni sınaq lazımdı. “Bakı” da mənim üçün belə bir sınaq olacaq”.
Yarımmüdafiəçi bu mövsüm Avropa Liqasında iştirakdan məhrum olmasına da münasibət bildirib: “Mən bu yayı istirahət etmək istəyirəm. Dəniz, qum, çimərlik. Yeni mövsümə daha yaxşı başlamaq üçün güc toplamaq istəyirəm. Belə demək olar ki, Avropa Liqasından qaçdım. “Qarabağ”da qala bilərdim. Amma dediyim kimi, indi dəyişikliyə ehtiyac duydum. Ola bilər ki, nə vaxtsa yenidən bu komandaya qayıtdım”.
