17 may 2012 13:57
Novruz Əzimov: Bakı kimin güclü olduğunu meydanda göstərəcək
“Bakı”nın baş məşqçisi funksiyasını yerinə yetirən Novruz Əzimov bu gün keçiriləcək “Neftçi” ilə Azərbaycan kubokunun final oyunu öncəsi azerisport.az saytının suallarını cavablandırıb.
- Finala necə hazırlaşa bilmisiz?
- Hər şey plan üzrə həyata keçirilib. Təəssüf ki, bəzi futbolçularımız finala qədər tam bərpa ola bilmədilər. Düzdü, mümkündü ki, Uinston Parks oynasın. İstənilən halda kimin meydana çıxmasından asılı olmayaraq, qələbə üçün çalışacağıq. Hamı yaxşı başa düşür ki, yalnız bu halda çempionatdakı uğursuzluğu unutdura bilərik.
- Hər şey plan üzrə həyata keçirilib. Təəssüf ki, bəzi futbolçularımız finala qədər tam bərpa ola bilmədilər. Düzdü, mümkündü ki, Uinston Parks oynasın. İstənilən halda kimin meydana çıxmasından asılı olmayaraq, qələbə üçün çalışacağıq. Hamı yaxşı başa düşür ki, yalnız bu halda çempionatdakı uğursuzluğu unutdura bilərik.
- “Bakı”nın çempionatdakı uğursuzluğuna görə hətta avrokuboklardan kənarda qalacağı gözlənilirdi...
- Çempionatda biz tez-tez uduzurduq. Etiraf edirəm ki, çempionatda ümidləri doğrulda bilmədik. Amma bizim uğursuzluq limitimiz dolub. Final bizim üçün sonuncu imtahandı. Burda “Bakı”nı ancaq qələbə qane edir. Mövsümün nə dərəcədə uğursuz alındığı barədə isə kubokun finalından sonra düşünəcəyik. Kuboku qazanmaqla biz həm də avrokuboklara vəsiqəyə layiq olduğumuzu isbatlamalıyıq.
- Siz özünüz artıq iki dəfə kuboku qazanmısız: həm futbolçu, həm də məşqçi kimi...
- Bəli. İki dəfə “Kəpəz”in futbolçusu kimi buna nail olmuşam. Məşqçi kimi isə həm gəncəlilərlə, həm də “Bakı”yla bu uğura imza atmışıq. İndi bu titulu üçüncü dəfə qazanmaq istəyirəm. Bu, mənim üçün çox vacib finaldı. Elə futbolçularım üçün də. Bilirik ki, “Neftçi” də “qızıl dubl” etmək istəyir. Amma biz öz uğurumuz barədə düşünürük.
- Rəqib barədə nə deyərdiz?
- Bu komanda ölkə çempionu oldu və bu hər şeyi deyir. “Neftçi”nin heyətində hamısı yaxşı futbolçulardı. Onları müqayisə etməyəcəm. Çoxları onların ancaq forvardlarından danışır. Amma mənim üçün qapıçıdan başlayaraq hər biri yaxşı futbolçudu.
- Bu komanda ölkə çempionu oldu və bu hər şeyi deyir. “Neftçi”nin heyətində hamısı yaxşı futbolçulardı. Onları müqayisə etməyəcəm. Çoxları onların ancaq forvardlarından danışır. Amma mənim üçün qapıçıdan başlayaraq hər biri yaxşı futbolçudu.
- Böyükağa Hacıyev bildirib ki, çempionat oyunlarında olduğu kimi, bu dəfə də “Bakı”nı məğlub edəcəklər...
- Qarşıdakı finalı Premyer Liqa oyunları ilə müqayisə etməyə dəyməz. “Dalğa Arena”dakı oyun tam fərqli olacaq. Bu, mövsümün həlledici oyunudu. “Neftçi”nin yaxşı məşqçisi var. Amma “Bakı” sözünü meydanda deyəcək. Kimin güclü olduğunu meydanda göstərəcəyik.
- Mümkündü ki, kuboku qazanacağınız halda “Bakı”da qalasız?
- Hər şeyə rəhbərlik qərar verəcək. Hazırda bütün fikirlərimiz finala yönəlib. Başqa heç nə barədə düşünmürük. Nəyin necə olacağını isə bu oyundan sonra biləcəyik.
- Hər şeyə rəhbərlik qərar verəcək. Hazırda bütün fikirlərimiz finala yönəlib. Başqa heç nə barədə düşünmürük. Nəyin necə olacağını isə bu oyundan sonra biləcəyik.
- Deyilənə görə Hafiz Məmmədov futbolçular üçün yaxşı mükafat söz verib...
- Mən Hafiz Məmmədova təşəkkürümü bildirirəm. O, uzun müddət idi ölkə xaricində idi. Amma final öncəsi Bakıya gəldi və komandamıza dəstək olacaq. Uduzmağa haqqımız yoxdu. Bu mövsüm rəhbərliyi çox üzmüşük. Buna görə də ölkə kuboku bizim olmalıdı.
- Bu mövsüm “Bakı”da penalti baxımından ciddi problemlər olub. Bunun üzərində çalışmısızmı?
- Penaltilər barədə düşünmürük. Hər şeyə 90 dəqiqə, lazım gəlsə, 120 dəqiqə ərzində aydınlıq gətirmək lazımdı.
