22 fevral 2012 16:27
AFFA Daşdəmirova 2, Seyidova 3 oyunluq cəza kəsdi
AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra Premyer Liqanın 21-ci turunun oyunları ilə bağlı aşağıdakı qərarlar çıxarılıb:
“İnter” – “Sumqayıt” matçının 35-ci dəqiqəsində “İnter”in futbolçusu Arif Daşdəmirov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb, klubu 2000 manat cərimə olunub.
“İnter” – “Sumqayıt” matçının 35-ci dəqiqəsində “İnter”in futbolçusu Arif Daşdəmirov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb, klubu 2000 manat cərimə olunub.
“Simurq” – “Bakı” matçının 62-ci dəqiqəsində “Bakı”nın futbolçusu Lukas Mario Horvat əllə oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 200 manat cərimə olunub.
“Qarabağ” – “Kəpəz” matçında “Kəpəz”in 4 futbolçusu sarı vərəqə ilə cəzalandığı üçün klub 1000 manat cərimə olunub. Oyunun 90+1-ci dəqiqəsində “Kəpəz”in futbolçusu Əli İsmayılov kobud oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klub 200 manat cərimə olunub.
“Qəbələ” – “Xəzər Lənkəran” matçında “Xəzər Lənkəran”ın 4 futbolçusu sarı vərəqə ilə cəzalandığı üçün klub 1000 manat cərimə olunub.
“Neftçi” – “Rəvan” matçının videoyazısını izlədikdə oyunun 83-cü dəqiqəsində “Neftçi”nin futbolçusu Mirhüseyn Seyidovun təhqiredici hərəkətlər etdiyi aşkar edilib. Bu səbəbdən də adıçəkilən futbolçu 3 oyunluq cəzalanıb, klubu 2000 manat cərimə olunub.
Futbolçuya verilmiş cəzanın 1 oyunu şərti cəza kimi tətbiq ediləcək. Ona 6 aylıq sınaq müddəti verilib. Sınaq dövründə futbolçu yenidən cəzalanacağı təqdirdə sanksiyanın dayandırılmış hissəsi avtomatik olaraq bərpa olunacaq.
