Şəhriyar qələbəsindən danışdı
25 aprel 2014 00:11
“Shamkir Chess 2014” turnirinin 5-ci turunda Fabiano Karuana üzərində qələbə qazmış Şəhriyar Məmmədyarov mətbuat konfransında jurnalistlərin suallarına cavab verib. Azerisport.az xəbər verir ki, Məmmədyarov bunları söyləyib:
"Çətin partiya oldu. Vəziyyəti düzgün qiymətləndirdim. Artıq piyadam olanda, rahat oynamağa başladım. Rəqib seytnotda problemləri tez həll etmək istəyirdi. Qara fiqurlarda problem görünmürdü. Heç-heçə olacağını düşünürdüm. Yeni ideya gəldi. Vəzirlə həlledici gedişdən sonra qələbəyə oynamağa başladım. Çətin partiya olsa da, qələbə qazandım. İlk turda Maqnus Karlsenə məğlub olmuşdum. İndi Karlseni məğlub etmiş Karuanaya qalib gəldim. Onları müqayisə etmək düzgün deyil. Karlsen dünya çempionudur. Karuana isə dünya çempionluğuna ən real namizədlərdən biridir. Risk edən şahmatçı məğlubiyyəti göz önünə almalıdır. Risk edirəmsə, bilirəm ki, uduza bilərəm. Blits üzrə dünya çempionatında 8 görüşdə qələbədən sonra arxayınlaşdım, nəticədə 16 görüşdə uduzdum. Biz öyrəşmişik. Şəmkirdə turnirdə iştirak edən hər bir şahmatçı güclüdür. Atamın Şəmkirə gəlməsinə gəlincə, o, hər zaman mənə dəstəkdir. Onun burda olmasına sevindim. Təki qələbələrimin ardı olsun".
İtaliya təmsilçisi Fabiano Karuana isə məğlubiyyəti səhv buraxması ilə izah edib: "Karlsenə qalib gələndən sonra heç bir arxayınçılıq ola bilməz. Sadəcə, səhv buraxdım. Seytnotda artıq vəziyyəti düzəltmək mümkün deyildi. Hər şey çox pis olmuşdu. Ona görə partiyanı xilas etmək mümkün deyildi. Məğlubiyyət pisdir. Amma qarşıdakı turlarda hər şey dəyişəcək. İstirahətdən istifadə edəcəyəm".
İtaliya təmsilçisi Fabiano Karuana isə məğlubiyyəti səhv buraxması ilə izah edib: "Karlsenə qalib gələndən sonra heç bir arxayınçılıq ola bilməz. Sadəcə, səhv buraxdım. Seytnotda artıq vəziyyəti düzəltmək mümkün deyildi. Hər şey çox pis olmuşdu. Ona görə partiyanı xilas etmək mümkün deyildi. Məğlubiyyət pisdir. Amma qarşıdakı turlarda hər şey dəyişəcək. İstirahətdən istifadə edəcəyəm".