Basketbol

Bakıda Avropa Oyunlarına hazırlıq xarakteri daşıyan beynəlxalq turnir keçirildi

25-26 aprel 2015-ci il tarixlərində Bakıda ilk dəfə olaraq kişilər arasında 3x3 basketbol üzrə beynəlxalq turnir keçirildi. Azerisport.az xəbər verir ki, Avropa Oyunlarına hazırlıq xarakteri daşıyan “Baku Pre Euro Game2015” turniri Azərbaycan Milli Olimpiya Komitəsi, Gənclər və İdman Nazirliyi və Azərbaycan Basketbol Federasiyasının təşkilatçılığı və “Samsung” şirkətinin dəstəyi ilə keçirilib. Yarışda iştirak edən 5 yerli (Qala, NTD, AZTOP, Ulduz, Aslanlar) və 5 xarici (Novi Sad, Buxarest, Tbilisi, Kiyev, Qədim Kiyev) komanda “Moscow Open 2015” turnirinə birbaşa vəsiqə alan qalibi müəyyən etməli idilər.

Beynəlxalq Basketbol Federasiyasının (FIBA) 3x3 Dünya Turunun qalibi olan Serbiyanın Novi Sad komandası Qədim Kiyev, Tbilisi, Ulduz və AZTOP komandalarını məğlub edərək, ‘A’ qrupunun birincisi olmuşdur. ‘B’ qrupunda dünya reytinginin beşinci pilləsində yer alan Angel Santananın başçılığı altında Buxarest komandası bütün rəqiblərini məğlub edərək, növbəti mərhələyə birinci yerdən adlamışdır.

Qruplarda ilk dörd yeri tutmuş komandalar dörddə bir final mərhələsinə vəsiqə qazandılar. Novi Sad, Buxarest, Qala və NTD komandaları rəqiblərini məğlub edərək, yarımfinala yüksəldilər:

Novi Sad - Kiyev (21:7)
NTD - Tbilisi (12:10)
Buxarest - Ulduz (21-11)
Qədim Kiyev - Qala Bakı (15:20)

Turnir çərçivəsində Beynəlxalq Basketbol Federasiyası (FİBA), Bakı 2015 Avropa Oyunlarının Əməliyyat Komitəsi (BAOƏK) və Azərbaycan Basketbol Federasiyası (ABF) tərəfindən təşkil edilmiş 8 xarici və 4 yerli hakimin, habelə 15 nəfərlik yerli texniki heyətin iştirakı ilə 3X3 basketbol üzrə beynəlxalq seminar keçirilmişdir. Seminarın nəticələrinə əsasən 2015-ci ilin iyununda Bakıda keçiriləcək ilk Avropa Oyunlarının 3X3 basketbol yarışlarını idarə edəcək hakim heyəti müəyyən olunacaq.
 

A qrupu