Malta Bakı-2015 üçün ciddi hazırlaşır
Baş məşqçi Karl İzzonun 14 nəfərlik komandası 3-7 mart tarixlərində, Ostiyada Bakı 2015 Avropa Oyunlarının kvalifikasiya turniri üçün hazırlaşmaq üçün çalışacaq. Azerisport.az xəbər verir ki, qapıçının məşqçisi Karl Qelia tərəfindən də dəstəklənən Malta komandası təlim düşərgəsi ərzində dörd dostluq görüşü keçirəcək. İzzonun 17 yaşından kiçiklərdən ibarət komandası İtaliyanın gənclər komandaları Latsio (B seriyası), Roma Nuoto (U20) və Roma Visnova (U20) ilə yarışacaq.
İzzo komanda heyətinin 12-15 mart tarixlərində Maltada keçiriləcək kvalifikasiya turniri üçün seçilmiş 13 üzvünü mart ayının 10-da açıqlayacaq. Malta ilə eyni qrupdakı digər komandalar Almaniya, Böyük Britaniya, Latviya və İsveçrədir. Ən yüksək nəticə göstərən iki komandaya Bakı 2015 yarışlarında iştirak imkanı yaranacaq.
Bakı 2015 su polosu yarışında iştirak edəcək səkkiz komandanın müəyyən edilməsi üçün daha üç kvalifikasiya turniri keçiriləcək. Azərbaycan, Monteneqro, Serbiya, İtaliya, Macarıstan, Xorvatiya, Rusiya və İspaniya artıq kvalifikasiya qazanıblar.
Maltanın təlim-məşq düşərgəsindəki 14 komanda üzvü (klub) aşağıdakılardır: Ceremi Abela (Neptun), Mattias Azzopardi (Neptun), Fredrik Buhagiar (Sent-Culians), Lyuk Kalleja (Neptun), Nikolas Farrugia (Neptun), Devid Fenek (Slima), Cozef Qelia (Sent- Culians), Ceyms Qambin (Slima), Malkolm Manara (Slima), Kayl Navarro (Neptun), Ben Plampton (Sent- Culians), Cekob Skiberras (Sirens), Ceyk Tanti (Neptun), Darren Zammit (Sent-Culians).