Bakı-2015 MTB üzrə test yarışına qeydiyyat başladı
Gələn il keçiriləcək ilk Avropa Oyunları - "Bakı-2015"in proqramına daxil olan dağ velosipedi (MTB) üzrə sınaq yarışına mətbuat nümayəndələrinin qeydiyyat prosesi start götürüb. Qeyd edək ki, yarış bu il oktyabrın 18-də Bakıda Dağ Velosipedi veloparkında keçiriləcək.
Azerisport.az xəbər verir ki, tədbirdə kişi və qadın idmançılar üçün elit yarışlar nəzərdə tutulub. Yarış Beynəlxalq Velosipedçilər İttifaqının təqvim planına da daxil edilib.
Sınaq yarışı "Bakı-2015" Avropa Oyunları Əməliyyat Komitəsi ilə Azərbaycan Velosiped İdmanı Federasiyasının birgə təşkilatçılığı ilə baş tutacaq. Qeyd edək ki, Dağ Velosipedi Veloparkı Bakıda yeni tikilmiş idman obyektlərindən biridir və 12-28 iyun, 2015-ci il tarixlərində "Bakı-2015" Avropa Oyunları çərçivəsində keçiriləcək Dağ Velosipedi yarışları da məhz bu məkanda baş tutacaq.
Dağ Velosipedi İdmanı üzrə sınaq yarışında iştirak etmək istəyən mətbuat nümayəndələrindən xahiş olunur ki, sentyabrın 19-dək ərizə formasını doldurub [email protected] ünvanına gönrərsinlər.