32 namizəd. №13. Paraqvay
27 мая 2010 16:00
Dosye
Paraqvay Futbol Assosiasiyası 1906-cı ildəyaradılıb. 1925-ci ildən FİFA-nın üzvüdür.
Paraqvay yığması iki dəfəCənubi Amerika kubokunun qalibi olub (1953, 1979). DÇ-nin final turnirlərindəyeddi dəfəiştirak edib: DÇ-98-də1/8 finalda mübarizəni dayandırıb.
Baş məşqçi: Xerardo Martino (Argentina)
Ən çox oyun keçirən futbolçu: Karlos Qamarra – 110 oyun
Ən yaxşı bombardir: Xose Kardoso – 25 qol
Azerisport.az DÇ-də Cənubi Amerika qitəsini təmsil edəcək yığma komandaların təqdimatını davam etdirir. Çilidən sonra növbə Paraqvayındır.
Paraqvay yığması Cənubi Amerikada bəlkə də yeganə komandadır ki, Latın Amerikası futbolunu dəli kimi sevənlər ona biganədir. Bu, “quarani”nin digər qitə komandalarından fərqli olaraq, daha çox müdafiəyəmeylli futbola üstünlük verməsi ilə əlaqədardır.
Uzun müddət “zolaqlılar”ın adı Xose Luis Çilavertlə yanaşı çəkilib. Bu qapıçı futbolçu karyerasının böyük hissəsini Cənubi Amerikada keçirdi. Qitədən kənarda, xüsusilə Avropada isə uğur qazana bilmədi. Amma bu amil ona dövrünün və bəlkə də bütün dövrlərin ən yaxşı qapıçılarından biri adını qazanmağa mane olmadı. Çilavert ardıcıl iki dünya çempionatında komandasını arxasınca aparmağa çalışdı. Bir dəfə bəxtsizlik bunun qarşısını aldı, ikinci halda isə Xosenin qocalması öz sözünü dedi.
İndi də hesab edirlər ki, DÇ-98-də Fransanın çempion olmasında finalda iki qol vuran və tunirboyu möhtəşəm futbol sərgiləyən Zinəddin Zidanın, yarımfinalda – Xorvatiya ilə görüşdə yığma karyerası ərzində ilk və sonuncu (!) qollarını vuran Lilian Türamın, 1/4 finalda İtaliya ilə oyunsonrası seriyada bir penalti dəf edən və bütün görüşlərdə inamlı çıxışı ilə seçilən Fabyen Bartezin nə qədər böyük rolu varsa, 1/8 finalda inadkar Paraqvay müdafiəçisi və qapıçısını yaran Loran Blanın bir o qədər xidməti var. 115-ci dəqiqədə vurulan o qol “Qızıl qol” idi və istedadlı Paraqvay yığmasının qarşısını aldı. Heç kəs şübhə etmir ki, penalti seriyasında fantastik Çilavert Bartezi “diri-diri yeyəcəkdi”.
Bu dəfə Paraqvay daha yaxşı yığma hesab olunur. “Quarani“ final mərhələsinə öz seçmə mərhələsindən birinci yerlə çıxıb. Üstəlik, komandanın heyəti də 12 il əvvəllə müqayisədə daha rəqabətədavamlıdır. İstər qapı (Xusto Vilyar), istər müdafiə (Klaudio Morel Rodriges), istər orta xətt (Edqar Barretto), istərsə də hücum (Oskar Kardoso).
Təsadüfi deyil ki, Paravay İtaliyadan sonra öz qrupunun ikinci favoriti sayılır. Və Yeni Zelandiya ilə Slovakiyanın cərgəsindən 1/8 finala adlamamaq “quarani“ üçün faciə hesab olunacaq.
Qapıçılar: Xusto Vilyar (Valyadolid, İspaniya), Aldo Bobadilya (Deportivo de Medelyin, Kolumbiya), Dieqo Barreto (Serro Portyeno, Paraqvay).
Müdafiəçilər: Klaudio Morel Rodriges (Boka Xuniors, Argentina), Denis Kanisa (Leon, Meksika), Paulo da Silva (Sanderlend, İngiltərə), Dario Veron (UNAM Pumas, Meksika), Xulio Sezar Kaseres (Atletiko Mineyro, Braziliya), Xulio Manzur (Tiqre, Argentina), Karlos Bonet (Olimpiya, Paraqvay), Aureliano Torres (San Lorenso, Argentina), Markos Kaseres (Rasinq, Argentina), Antolin Alkaras (Brügge, Belçika)
Yarımmüdafiəçilər: Edqar Barreto (Atalanta, İtaliya), Kristian Riveros (Krus Azul, Meksika), Osvaldo Martines (Monterrey, Meksika), Viktor Kaseres (Libertad, Paraqvay), Enrike Vera (Universitariya de Kito, Ekvador), Conatan Santana (Volfsburq, Almaniya), Serxio Akino (Libertad, Paraqvay), Eduardo Ledesma (Lanus, Argentina), Nestor Ortiqosa (Argentinos Xuniors, Argentina), Marselo Estiqarribia (Nyuelz Old Boyz, Argentina).
Hücumçular: Roke Santa Kruz (Mançester Siti, İngiltərə), Nelson Haedo Valdes (Borussiya Dortmund, Almaniya), Oskar Kardoso (Benfika, Portuqaliya), Edqar Benites (Toluka, Meksika), Lukas Barrios (Borussiya Dortmund, Almaniya), Rodolfo Qamarra (Libertad, Paraqvay), Xorxe Açukarro (Nyuelz Old Boyz, Argentina).
